బిగ్ బాస్ గా ఎప్పుడూ కాల‌రెగ‌రేసే అబ్బాయిల్ని కాద‌ని ఒక‌మ్మాయి ఇప్పుడు చున్నీ ఎగరేస్తోంది. అది కూడా ట‌ఫ్ ఫైట్ ను దాటుకొని నిన్న రాత్రి శ్వేతా తివారీ అనే శ్వేత (తెల్ల) రంగు అమ్మాయి నెంబ‌ర్ వ‌న్ అయిపోయింది. అక్షరాలా కోటి రూపాయలు కొట్టేసింది. హిందీ ఎంట‌ర్ టైన్ మెంట్ చానెల్స్ దున్నేసే వారికి ఈ కాంపిటీష‌న్ ఏమిటో వేరే చెప్పక్కర‌లేదు. (మిగిలిన వారి కోసం ఒక ముక్క...క‌ల‌ర్స్ హిందీ చానెల్ లో 19 వారాల పాటు న‌డుస్తున్న ఎపిసోడ్ లో రాత్రి జరిగిన ఫైన‌ల్స్ లో బిగ్ బాస్ ను ఎంపిక చేశార‌న్న మాట )
అసలు ఈ ఫైన‌ల్ మీద నిన్న ఉద‌యం నుంచీ మంచి సస్పెన్స్ నెల‌కొంది. జోష్ గా ఉండే కుర్రకారు , ముఖ్యంగా అమ్యాయిలు దీని మీద సెల్ ఫోన్ ల‌తో బోలెడు సేపు వాద‌న‌లు సాగించారు. ఇక, మ‌ధ్య త‌ర‌గ‌తి మ‌హిళ‌లు ఎప్పటి లాగే ల్యాండ్ లైన్ ఫోన్ వాడుకొంటూ దీని మీద మాట్లాడుకొన్నారు. మ‌ల్ల ఫైటింగ్ హీరో గ్రేట్ ఖ‌లీ నెగ్గుతాడ‌ని చాలామంది అనుకొన్నారు. కానీ, ఈ లోగా లేచింది .. నిద్ర లేచింది మ‌హిళా లోకం అన్న పాట బ్యాక్ డ్రాప్ లో ప్లే అయ్యే స‌రికి మ‌హిళా లోకం మేలుకొంది. క‌ట్ చేస్తే ఎస్ ఎమ్ ఎస్ లు వ‌ర‌ద‌లా వ‌చ్చేశాయి. టీవీల్లో సీరియ‌ల్స్ లో న‌టించే బ్రాండ్ లేడి శ్వేతా తివారీ - బిగ్ బాస్ గా ఎన్నిక‌య్యారు. మొద‌టిసారిగా ఒక మ‌హిళ దీన్ని గెలుచుకొన్నారు. కోటి రూపాయలు తీసుకొని, షెవ‌ర్లే కారు లో ర‌య్యిన దూసుకెళ్లారు.((భ‌ర్త వ‌ద్దు,, విడిపోవ‌ట‌మే ముద్దు అంటున్న శ్వేతా తివారి-అనే ఆర్టిక‌ల్ ను చూడాలంటే www.godavariyouth.com అనే వెబ్ సైట్ లో controversy సెక్షన్ చూడండి )).................................................
No comments:
Post a Comment